Disko, Grönland: Pinngortitami ikuallanneq – inuiaqatigiinni inuttaasunit ikiorneqarneq
Ajutoornikkut pinngortitami ikuallattoqalersinnaavoq, pingaartumik assut panerpat. Pinngortitami ikuallattoornerit cigaretsimik, pujoorivinnit, ikumatitanit assigisaanilluunniit kukkuluttornikkut aallartissinnaapput. Naasut aamma immaqa nuna/issoq ikuallalluni nungussinnaapput, aamma qaavisa naasoqaqqilernissaannut piffissaq sivisooq ingerlasinnaavoq. Pinngortitami sumi ikuallattoqarsimanersoq, aamma naasut qanoq naaqqittarnersut pillugit paasisaqarusuppugut.
Sumiiffiit nassaariniarnerini qaqqani, illunut qimminullu qaninngitsuni takusimasavit allattornissaannut ilinnit ikiorneqarnissarput pisariaqartipparput. Inussiarnersumik qinnuigissavatsigit ulloq sumiiffillu allattoqqullugit (sumiiffiup taaguutaa imaluunniit oqarasuaatinni GPS-eqaruit naleqqat allallugit) Immaqa sumiiffik nalunaaqutsersinnaavat nassaareqqissinnaaniassagakku. Sapernanngippat qanga ikuallattoqarsimanersoq aamma ikuallaffik qanoq annertutigisimanersoq allakkit. Aamma assiliisinnaavutit ateq ullualu allallugu.
Ilisimatusarnitsinni naasut qanoq sukkatigisumik naaqqittarnersut misissortarparput, qanoq ilillutik naaqqittarnersut aamma naasut sorliit sumiiffimmiinnersut misissorlugit. Taamaattumik sumiiffimmi ataatsimi piffissami sivisunerusumi ineriartornerup malinnaaffiginissaa soqutigaarput. Illit sumiiffik ataaseq arlaleriarlutit saneqquttarukku, ass. aasami marloriarlutit, taava saneqqunnerpit ullui allattukkit aamma sumiiffimmi tassanerpiaq marlunnik arlaleriarlutit assiliisarlutit.
Pappiliaq allattuiffigisat assiliuk aamma assilisatit ilanngullugit e-mailimut nassiutikkit uunga louise.andresen74@gmail.com
Aamma assilisat uannut Facebook Messengerikkut nassiussinnaavat: Louise Rütting ikinngutigileruk.
Paasissutissat tamaasa katersortarpakka aamma misissuineq pillugu eqikkaajumaarlunga, taanna quppernermi uani tamanut ilaatigut saqqummiunneqarumaarluni:
The unseen life in soils at Disko Island under climate change | University of Gothenburg (gu.se)
